Borgemánus dán jagi lágiduvvo Sápmi Pride Suoma beale Sámis, Heahtás, Eanodagas.
Lea Suoma Sámi Nuorat -searvi mii ordne dán jagáš Sápmi Pride doaluid Heahtás. Sin ságadoalli, Petra Laiti, lohká ahte searvi lea váldán ovddasvástádusa lágidit doaluid, muhto sii ovttasbarget maiddái eará servviiguin.
– Lea olu bargu, muhto leat buriin mielain dan dáhpáhusa ráhkadeame, lohká Laiti Yle Sápmái.
Sápmi Pride doalut lágiduvvojit Suoma beale Sámis vuosttas geardde, maŋŋel 2017 Ijahis idja festivála oktavuođas. Doalut ledje dalle leamašan jo oktii Ruoŧa bealde ja guktii Norgga bealde. Vuosttas Sápmi Pride ordnejuvvui Gironis 2014:s. Diibmá ledje Sápmi Pride doalut Jielleváris.
Sápmi Pride lea seksuála- ja sohkabeallevehádagaid dáhpáhus, mii ordnejuvvo juohke jagi iešguđet báikkiin Sámis.
