-Almmuhus-
-Almmuhus-
OĐĐASAT Sámi girko­ráđđi doarju homo­fila­báraid náitima

Sámi girko­ráđđi doarju homo­fila­báraid náitima

-

-

– Buohkat leat bures boahtin girkui, cealká Sámi girkoráđđi. 

Čakčamánu 10. beaivvi dollojuvvui Sámi girkoráđis čoahkkin gos bođii čielga cealkámuš, buohkaide lea buresboahtin girkui.

Sii čilgejit ahte ođđaset dutkamat čájehit ahte sámi servvodagain geavvá olu seksuálalaš rájárasttideaddji láhtten ja veahkaváldin. Dan oktavuođas lea Sámi girkoráđđi ovdal jo deattuhan man dehálaš seksuálaoahpahus lea konfirmašuvdvnaoahpahusas. 

Biibbala oaidnu seksualitehta hárrái bissu, muhto girkoráđđi muittuha ahte fertet doahttalit dán áigge máilmmioainnu gos mii buohkat eallit. Girkus leat guokte teologalaš oainnu ovtta-sohkabealálaš náitimii, ja dán doarju Sámi girkoráđđi dan dihte go Sámis ovddastuvvojit goappaš oainnut, čállá Sámi girkoráđđi iežaset neahttasiiddus. 

Sámi girkoráđđi lea ovdal jo cealkán dásseárvvubarggu birra, ja dehálašvuođa Sámi LHBT+ olbmuid ovddasteami vuođu. Sii ellet duppalminoritehtadilálašvuođas, sihke gielalaš ja kultuvrralaš minoritehtas, ja sámi minoritehtabirrasis. 

- Advertisement -
-Almmuhus-