Dán jagi Sámi konfirmánttasiida lágiduvvo guovvamánus. Sámi girkoráđi bealis muittuhit ahte dieđihanáigemearri dievvá boahtte vahkkus.
Nuorat bovdejuvvojit oassálastit boahtte jagi Sámi konfirmánttasiiddas guovvamánu 16.–19. beivviid. Davvi-Hålogalándda konfirmántadeaivvadeapmi lágiduvvo Davvi-Sámi guovllus (Tømmerneset leirskole) ja Mátta-Hålogalándda ja Nidaros konfirmánttadeaivvadeapmi ges lágiduvvo Julev- ja Bihtán-Sámi guovllus (Sjunkhatten leirskole).
Konfirmánttasiiddas sáhttet buot Norgga searvegotti sámi nuorat searvat. Sámi konfirmánttasiida lea dábálaš konfirmánttaoahpahusa lassin. Doppe besset nuorat deaivvadit ja oahpásmuvvat. Sámi kultuvra ja sámegielat leat guovddážis.
Sámi girkoráđđi lea Sámi konfirmánttasiidda lágideaddji ja gokčá buot goluid. Sámi konfirmánttasiida lea lágiduvvon 2013 rájes.
Dieđihanáigemearri dievvá skábmamánu 16. beaivvi, ja dieđiheapmi dáhpáhuvvá Norgga girku neahttasiidduid bokte.
