Gironfestivála lágiduvvo dán jagi vuosttas geardde Girona ođđa guovddážis. Sámi artisttat čuojahit dán jagáš festiválas.
Geassemánu 29. beaivvi rahppo Gironfestivála fas. Lea 23. geardi go festivála lágiduvvo. Earenoamáš dán jagi lea ahte festivála lea sirdon Girona ođđa guovddážis. Golmma beaivvis čuojahit olu artisttat Gironis.
Maiddái sámi artisttat lávlot dán jagi festiválas.
Festivála rahpamis duorastaga lávlu sámi artista Pia-Maria Nutti Holmgren. Bearjadaga čuojaha fas Dear Sara dehe Sara Nutti, Gironfestivála lávddis.
Lávvordaga lávlu Ella Sikku ovttas Wilman Copperstonein lávddis. Nu dieđiha Gironfestivála jođiheaddji sin neahttasiiddu bakte. Eará artisttat geat čuojahit leat earret eará Hooja, Benjamin Ingrosso ja Vargas&Lagola.
