Sámedikki dievasčoahkkin válljii Nils Mikkelsen Utsi Finnmárkkuopmodaga (FeFo) stivra ođđa stivralahttun boahtte njealji jahkái.
Áilen Nigá Máhtte (Mathis Nilsen Eira) lea doaibman 10 jagi FeFo stivralahttun ja FeFo njuolggadusaid mielde ii sáhte oktage doaibmat stivralahttun guhkit go 10 jagi. Danne lea dál Sámediggi válljen ođđa stivralahtu FeFo stivrii.
Sámedikki dievasčoahkkin válljii Nils Mikkelsen Utsi FeFo ođđa stivralahttun ja su persovnnalaš várrelahttun Elin Magga.
Dievasčoahkkimis dieđihedje maid ahte Geir Thrane ja Máret Guhtor joatkiba stivralahttun.
