Sámediggi lea gaskaboddosaččat bissehan válgajienastuslogu guorahallama.
Sámedikki dievasčoahkkima eanetlohku lea mearridan guorahallat Sámedikki eavttuid dieđihit iežas jienastuslohkui. Sámedikki nubbin stuorámus bellodat Nordkalottfolket lea vuosttaldan guorahallama, ja leat stevdnen Sámedikki diggái bissehan dihtii dan. Sis- ja Nuorta Finnmárkku diggegoddi lea váldán ášši.
Sámediggi lea dál válljen gaskaboddui bissehit guorahallama, nu lea Sámedikki dievasčoahkkinjođiheaddji Tom Sottinen muitalan NRK Sápmái.
– Mii váldit duođas dan vuostehágu dáidda plánaide. Mii leat gesson dikki ovdii ja galgat vástádussamet ovddidit ovdal ođđajagimánu 31. beaivve, dadjá Sottinen NRK Sápmái.
