Sis- ja Nuorta-Finnmárkku diggegoddi lea mearridan ahte Sámedikki jienastuslohko-ášši šaddá diggeáššin.
Jienastuslogu guorahallan šaddá diggeáššin, nu lea Sis- ja Nuorta-Finnmárkku diggegoddi mearridan, muitala doaibmi sundi Cecilie Lysjø Jacobsen NRK Sápmái.
Sámedikki nubbin stuorámus bellodat, Nordkalottfolket, dat lea stevdnen Sámedikki, ja leat bivdán diggegotti bissehit Sámedikki jienastuslogu čálihaneavttuid guorahallama. Sis-ja Nuorta-Finnmárkku diggegoddi lea váldán ášši, ja leat mearridan dohkkehit ášši diggái. Ii leat vel čielgan guđe beaivvi diggeášši šaddá, lohká doaibmi sundi NRK Sápmái.