-Almmuhus-
-Almmuhus-
SMÁVVAOĐĐASATSágás­tallan Duohta­vuođa- ja soabahan­kommišuvnna raportta birra

Ságás­tallan Duohta­vuođa- ja soabahan­kommišuvnna raportta birra

-

-

Maŋŋel Duohtavuođa- ja soabahankommišuvnna raportta, de leat olusat geat jerret mii galgá dáhpáhuvvat viidásat. Dan birra háliidit UiT-bargit oažžut ságastallama UiT-lávus dán jagáš Riddu Riđđu -festiválas.

Mánáidsuodjalusa ja sosiála barggu instituhta UiT-bargit lágidit lávvurieggá UiT-lávus Riddu Riđđu-festiválas suoidnemánu 13. beaivvi diibmu 12.00. Fáddá man birra háleštit lea Duohtavuođa- ja soabahankommišuvnna raporta mii ovdanbuktojuvvui badjel 30 diimmu Nationálateáhteris.

Nina Hermansen ja Jan-Erik Henriksen leaba UiT-bargit geat galgaba jođihit ságastallama, ja soai háliideaba ahte galgá leat vuoiggalaš njulgejumi birra.

– Maŋŋel Duohtavuođa- ja soabahankommišuvnna raportta, de leat olusat jearran maid áigut viidáset. Olusat leat muitalan kommišuvdnii sin vásáhusaid dahje árbejuvvon loavkidemiid birra. Leat olu modeallat soabadeapmái, ja dáinna ságastallamin háliidat juohkit jurdagiid ja sávaldagaid vuoiggalaš soabadanprosessii, dadjá Henriksen, gii lea Mánáidsuodjalusa ja sosiála barggu instituhta doseanta UiT:s.

-Almmuhus-