2 biilla leat vuodján oktii Skuvvanváris Finnmárkkus, guokte miilla Leavnnjas luksa. Seaking helikopter ja ambulánsa leat leamaš báikkis.
Dán lihkohisvuhtii ledje 3 olbmo seahkánan.
Dán dieđihit Oarje-Finnmárkku politiijat Twitteris.
Politiijat čállet ahte biilavuoddji gii vujii okto, lea sáddejuvvon Hámmarfeastta buohccivissui helikopteriin go sus ballet niskki bávččagan. Nuppi biilavuoddjis lea ges juolgi bávččagan.
Goappaš bealde ledje guhkes biilaráiddut vuordime beassat meaddel dassážii go biilagádjunbálvalus čorgejit geainnu.
