Porsáŋggu gielddastivra lea mearridan ahte ruovttubuohccedivššus galgá leat maid idjabálvalus.
Gielda čállá ahte idjabálvalusveahkki lea gaskkal diibmu 23.00-06.00 ja dán sáhttá ohcat gielddas.
Dearvvašvuođa- ja fuolahuslága njuolggadusat gusket maid idjabálvalusaide.
– Go gielda meannuda ohcama, deattuhuvvo ahte veahkki ii sáhte addojuvvot eará áigái. Idjabálvalusas leat sihke geográfalaš gáržžideamit ja veahkkegáržžideamit, čállá Porsáŋggu gielda.
Geográfalaš gáržžideapmi guoská dáid guovlluide:
• Leavnnja šaldi/Kalloka
• Časkil
• Revfossnes
• Klemetstad
Bearráigeahčču buozalmasvuođa oktavuođas
Idjaveahki maid sáhtát ohcat, lea eret eará bearráigeahčču buozalmasvuođa oktavuođas.
Bearráigeahčču jus leat gahččan váttut, jus áiggut hivssegis fitnat, veahki ruovttus maŋŋil go leat beassan ruoktot dearvvašvuođainstitušuvnnas, veahkehit ráhkkanit nohkkat dahje divššu guččarávssárevrriin dahje čoalleseahkain.
– Ruovttubálvalusa geavaheaddjit sáhttet šiehtadit idjavávttain telefovnna bokte jus lea dárbu, čállá gielda.
Ihkku ii leat vejolaš oažžut veahki buohccidivššárbargguiguin.
