Norske Lakseelver nammasaš searvi lea geigen 10 000 ruvdnosaš ruhtaskeaŋkka aktionisttaide Riehpovuonas.
– Siviila jeagoheapme lea okta akšuvdnavuohki maid ii galgga geavahit eahpekritihkalaččat, muhto muhtun dáhpáhusain lea dat dárbbašlaš go čájeha vuostehágu servodaga billisteami luondduhabitáhtas. ON luonddudivodeapmi jahkelogežis lea dat paradoksa ahte Norga bilida eanet luonddu, seammás go diehtit makkár váikkuhusat das leat. Norske Lakseelver searvi ii leat ruvkedoaimma vuosttildeaddji, muhto dat fertejit gávdnot eará ja guoddevaš čovdosat, sihke Riehpovuonas ja Førdevuonas, čujuha Vegard Heggem, Norske Lakseelver searvvis.
