Dál sáhtát dušše čuožžilit ráidui oažžundihte vuosttaš vaksiidnadosa. It dárbbaš diŋgot diimmu, itge dárbbaš leat vuordinlisttus ge.
Romssa suohkan čállá Facebook siiddus iežaset suoidnemánu 13. beaivvi rájes fállat Drop-in vaksiinnaid. Nu sáhttet olbmot Romssas, suohkana fásta rahpanáiggiin, čuožžilit ráidui oažžundihte vuosttaš koronavaksiinna. Romssa suohkana vaksinerenguovddáš lea Mellomveien 110:s.
Dán fálaldaga lea suohkan ásahan vai vaksiinnat eai mana duššás.
Gáibádusat oažžut Romssas reastavaksiinna leat:
– Ferte leat ássančujuhus Romssas
– Ii galgga leat nuorvu iige feber
– It galgga leat erremis
– Fertet leat riegádan jagis 2003 dahje ovdal
– Don it galgga leat leat ožžon vaksiinna ovdalaččas
Sáhtát lohkat eambbo reastavaksiinnaid birra Romssa suohkana neahttasiiddus.
