Covid-19 lea duođaštuvvon Romssas. Diibmu 14.00 doallá Romssa suohkan preassakonferánssa ráđđeviesus.
Gaskavahkku suoidnemánu 8. beaivvi lea ovtta olbmos duođaštuvvon njoammudávda covid-19 Romssas.
Romssa suohkana neahttasiiddus čuožžu ahte lea vuosttaš covid-19 njoammun miessemánu 17. beaivvi rájes. Romssa suohkan boahtá doallat preassakonferánssa diibmu 14.00 ráđđeviesus.
Suohkanis ii leat vejolašvuohta sáddet njuolggosáddaga preassakonferánssas, muhto ávžžuhit mediaid searvat.
Preassakonferánssas bohtet eambbo dieđut njoammuma birra, ja movt meinejit bargat viidáset.
