Ođđajagi rájes doaibmagoahtá Romssa ja Finnmárkku valáštallanbiire ja mannan vahkkoloahpa válljejuvvui stivra dasa.
Mannan vahkkoloahpa lei Romssa ja Finnmárkku valáštallamis liigediggi Romssas, čállá Finnmárkku valáštallanbiire preassadieđáhusas.
Dalle mearridedje Romssa valáštallanbiirre ja Finnmárkku valáštallanbiirre ovttastahttot Romssa ja Finnmárkku valáštallanbiiren 2020 ođđajagemánu vuosttaš beaivvi rájes.
Båtsfjord Sportsklubb Geir Knutsen válljejuvvui ođđa stivrra jođiheaddjin ja Sylvi Ofstad ges doaibmagoahtá organisašuvnna ovttastahttojuvvon biirrehoavdan.
Mearriduvvui ahte sáhttet leat oktiibuot 75 áirasa iešguđet sierravaláštallamis ja oktiibuot 75 áirasa valáštallanráđis. Dalle ožžot buohkat áirasa, maiddái gielddain gos ii leat valáštallanráđđi.
Logo galgá leat golmma gillii. Eaktu gutnibálkkašumiide mearriduvvui maid. Vuosttaš valáštallandiggi lea 2022 giđa. S
