Ráđđehus lea juolludan oktiibuot 23,6 miljovnna ruvnnu 64 iešguđetlágan doaibmabijuide gielddaide miehtá riikka. Doaibmabijut galget sihkkarastit mánáid ja nuoraid skuvlageainnu ja lagašbirrasa.
– Mii háliidit ahte eanet mánát sáhttet sihkkelastit dahje vázzit skuvlii ja astoáigedoaimmaide, dan sadjái go dolvojuvvot biillain. Jus dat galgá leat vejolaš, de sii dárbbašit oadjebas skuvlageainnuid ja lagašbirrasa. Dasa váikkuhit dát njeallje prošeavtta Romssas ja Finnmárkkus, dadjá johtalusministtar Jon-Ivar Nygård.
Romssas ja Finnmárkkus juolluduvvui oktiibuot 2,2 miljovnna ruvnnu njealji prošektii:
Gielda – Doaibmabidju – Ruhtadeapmi
Beardu – Vázzingeaidnu – 1 000 000
Giehtavuotna – Leaktogeahpedan doaibmabidju – 200 000
Málatvuopmi – Vázzin- ja sihkkelgeainnu oktiičaskin – 750 000
Unjárga – Čuvgehus – 250 000
Submi ruhtaduvvon Tromssas ja Finnmárkkus – 2 200 000