Riddu Riđđu lea 20 jagi čalmmustahttán «Dán jagáš davvi álbmoga» prográmmas. Dán jagi botkejit dan festiválavieru ja lea válljen čalmmustahttit eamiálbmogiid sohkabeal- ja seksuálamáŋggabealatvuođa. Dán jagáš davviguovllu álbmot 2024 lea bonju eamiálbmotolmmoš.
Riddu Riđđu festiválas leat festivála guossit beassan oahpásmuvvat sáttagotti áirasiiguin geat bohtet earret eará Sámis, Kanadas, USA:s ja Kalaallit Nunaatas. Sáttagotti jođiheaddji ja kuráhtor lea Ceilidh Pitaw, gii lea dovddus Mi’kmaq-dáiddár Nova Scotias eret, čállá Riddu Riđđu preassadieđáhusas.
Oassi prošeavttas lágiduvvo maid «Open call» man bokte lea vejolaš bonju eamiálbmotdáiddáriin ohcat beassat oassin sáttagottis.
– Dán jagi leat mii veaháš rievdadan Dán jagáš davviguovllu álbmot -prošeavtta go mii leat bovden deike bonju eamiálbmotolbmuid. Miehtá davviguovllu eanaspáppa gávdnojit olu bonju eamiálbmotdáiddára geat leat mielahis čeahpit ja mii háliidat čohkken nu olu go vejolaš Riddu-gieddái boahtte geasi. Mun illudan beassat gudnejahttit iežamet bonju eamiálbmotdáiddáriid dán jagi Riddu Riđus, lohká Riddu Riđu festiválahoavda Sajje Solbakk.
