Nunavuta The Trade-Offs ja Jeremy Dutcher Nuorta-Kanadas leat gergosat dán jagáš Riddu Riđđui! Šaddá soul, blues, rock ja jazz dáinna kanadalaš fápmobuktagiin Riddu-lávddis suoidnemánus.
Riddu Riđđu lea hui movttet ovdandivvut The Trade-Offs ja Jeremy Dutchera dán jagi festiválii, ja Riddu Riđđu festiválajođiheaddji Sajje Solbakk mielas lea oavdu beassat muitalit geat bohtet:
– Go The Trade-Offs loaiddastit Riddu Lávdái, de ii leat eará go návddašit. Dušše joavkku njunušolbmá Josh Qaumariaqsa nanu jiena ja gaskkustanattáldaga dihte gánnáha vásihit dan, ja ovttas olles joavkkuin lea láhččon albma nunavutalaš fápmočájeheapmái! Dutcher buktá miellagiddevaš dáiddalaš univearssa fámolaš vokálain, mas Wolastoq First Nation-ruohttasat ovdanbohtet sihke šuoŋas ja sániin. Lávkkastis lea sus fárus áibbas varas álbuma – ii leat eará go illudit geasi konsertii!
