Fágalaččat galgá psyhkalaš dearvvašvuođafuolahus ja gárrendili heahtefálaldat šaddat buoret bálvalussan Finnmárkkus. Dan mearridii Finnmárkku buohcciviesu stivra gaskavahkku.
Fágalaččat galgá psyhkalaš dearvvašvuođafuolahus ja gárrendili heahtefálaldat šaddat buoret bálvalussan Finnmárkkus. Dan mearridii Finnmárkku buohcciviesu stivra gaskavahkku.
Finnmárkku buohcciviessu galgá olahit Davvi-Dearvvašvuođa gáibádusa ásahit birrajándor heahtebálvalusa, Guovllupsykiátralaš guovddážin (DPS). Sihke báikkálaš heahtebálvalus beaivet, ovttaskasat doaktáriid váktaortnegat ja gearggusvuođaseaŋggat DPS:s dahket ahte lea fágalaččat nanu bálvalus.
Báikkálaččat dikšot pasieanttaid
Geassemánu 21. beaivvi mearridii stivra unnidit virggiid fáhkkapsykiátralaš bargojoavkkuin. Stivra áigu unnidit 16 virggi guđa virgái.
– Dán rádjái leat Finnmárkku fástadoaktárat sádden buhcciid Universitehtabuohccivissui (UNN), dan sivas go Finnmárkku DPS guovddážiin ii leat leamaš doaibmi fálaldat. Mihttu dál lea ahte buohccit galget oažžut divššu ruovttubáikkis, ja fállat divššu DPS guovddážiin ja fállat fáhkkabuohccidiimmu poliklinihkas, muitala stivrajođiheaddji Harald Larssen.
– Dáinna mearrádusain sáhttá Finnmárkku buohcciviessu dikšut pasieanttaid geaid ii leat dárbu bákkus sáddet UNN:i. Dat buktá buoret ja ollislaš fálaldaga Finnmárkku buohcciviesu pasieanttaide, lohká Larssen.
Báikkálaš jođiheapmi Álttás
Stivra oaččui dieđuid boahttevaš organiserema birra Álttá Klinihkas.
– Stivra doarju báikkálaš jođiheami Álttá klinihkas, ja galgá leat Hámmárfeastta klinihka jođihanjoavkkus oassin. Dalle sáhttá Álttá doaibma leat oassin klinihka jođiheamis, ja mis šaddá buorre gulahallan pasieantadieđuid birra, čilge stivrajođiheaddji preassadieđáhusas.
