Son álgá ođđa virgái čakčat.
Per Angermo (52) bargá otne ossodatjođiheaddjin Medisiinnalaš klinihkas Universitehtabuohcciviesu Davvi-Norggas. Son virgáduvvo direktevran čakčat.
– Mun giittán luohttamušas. Illudan álgit ođđa virgái, ja šaddá miellagiddevaš bargagoahtit dehálaš doibmii Finnmárkkubuohcceviesus, dadjá Angermo preassadieđáhusas.
Per Angermo lea Romssas eret. Son lea oahppan buohccedivššár, ja sus lea lassioahppu organisašuvnnas- jođiheamis-, almmolaš hálddašeamis, rievdadusjođiheamis ja prošeaktajođiheamis.
Vivi Brenden Bech joatká direktevran dassá Per Angermo virgáiduvvo.
