-Almmuhus-
SMÁVVAOĐĐASATOhcet guovdageaidnu­laččaid  dutkan­prošektii

Ohcet guovdageaidnu­laččaid  dutkan­prošektii

-

-

Háliidit oktavuođa olbmuiguin geat leat badjel 18 jagi.

Finnmárkkubuohcciviessu galgá ovttas SÁNAG:in ja UIT Norgga árktalaš universitehta dearvvašvuođa dutkanguovddážiin čađahit dutkanprošeavtta sámi mánáid ja nuoraid bajasšaddama birra Finnmárkkus. Dutkanprošektii ohcet olbmuid geat leat 18 jagi dahje boarraseappo.

Juovlamánus leat prošeavttas čađahan joavkojearahallamiid sihke nuoraiguin, fuollaolbmuiguin ja rávisolbmuiguin geat barget mánáiguin ja nuoraiguin Guovdageainnus ja Kárášjogas.

– Dál háliidit oažžut oktavuođa olbmuiguin Guovdageainnus geat leat badjel 18 jagi boarrásat, geat sáhtáše juogadit minguin sin jurdagiid mánáid ja nuoraid buori sámi eallima birra. Váldet áinnas oktavuođa minguin jus leat gažaldagat dahje háliidat dieđihit iežat dutkanprošektii, dadjá Finnmárkkubuohcciviesu dutki Eirik Lind Irgens preassadieđáhusas.

Buoridit doaimmaid

Ulbmil dutkanprošeavttain lea čalmmustahttit dehálaš servvodatlaš hástalusaid mat leat čadnon dearvvašvuhtii ja buresbirgejupmái sápmelaččaid gaskkas dán guovllus, ja ahte dát sáhttá veahkkin leahkit oažžut eambbo dieđuid ja addit vejolašvuođaid buoridit doaimmaid mat leat mánáid ja nuoraid váste Finnmárkkus.

-Almmuhus-