Diibmá lei 59 proseantta priváhta mánáidgárddiin badjebáza, oktiibuot 870 miljovnna ruvnno. Dat lea njiedjan ovddit jagiid ektui.
Badjebáza 2022 rájes lea 129 miljovnna ruvnno unnit go jagi ovdal, nu čájehit Statistihkalaš guovddášdoaimmahaga logut. 10 proseantta badjebáhcagis fievrriduvvui vuoitin eaiggádiidda, ja 65 proseantta fievrriduvvui mánáidgárddiid iežaskapitálii.
Norggas leat oktiibuot 2690 priváhta mánáidgárddi, ja dain ledje 1577 main lei badjebáza diibmá. Seamma ládje go 2020 ja 2021 bohtosiin, de lea unnit ja unnit mánáidgárddiid badjebáza.
