Polaris Cup rievdada nama ja šaddet FeFo-čiekčamat. Dat dáhpáhuvvá maŋŋil go FeFo searvá generálasponsorin.
Porsanger IL (PIL) ja Finnmárkkuopmodat FeFo vuolláičáliiga ođđajagimánu 5. beaivvi šiehtadusa ovttasbargat.
Guovvamánus Leavnnjas
Go nuorra spábbačiekčit miehtá Finnmárkku deaivvadit Leavnnjas áigodagas guovvamánu 17. – 19. beivviid, lea dat FeFo-turneringen (FeFo-spábbačiekčamat), lohká spábbačiekčamiid jođiheaddji Reidulf Høybakken.
– Dát lea fylkka stuorámus čižešspábbačiekčan vistte siste, ja diibmá oassálaste gosii 60 joavkku miehtá Finnmárkku. FeFo lea leamaš fárus sponsorin ovdal, ja mis leat leamaš ságastallamat jagi. Šaddá gelddolaš mátki, lohká Høybakken FeFo preassadieđáhusas.
– FeFo háliida váikkuhit loaktimii ja doaibmamii miehtá Finnmárkku. Spábbačiekčamat Leavnnjas lea buorre ja positiivvalaš lágideapmi mas lea guhkes historihkka, ja mii háliidit ahte dát jotkojuvvo ja sáhtát ovdánit, dadjá Eirik Palm, kommunikašuvnna ja servodatoktavuođa jođiheaddji.
Jahkái šiehtadan
Šiehtadus gaskal PIL ja FeFo gusto álgo vuorus jagi, man FeFo:s lea opšuvdna guhkidit golmma jahkái hávális.
FeFo áigumuš lea láhčit dili valáštallan-, kultur- ja olgodoaimmaide, ja sponse odne rámiin– lassin FeFo-čiekčamiidda, maiddái Skaidi Xtreme, FeFo Cup, Villmarksbarna, Saami Ski Race ja Ungt Entreprenørskap. Dasa lassin leat bargame šiehtadusain mii galgá movttiidahttit nuorra musihkkariid Finnmárkkus.
– Eananeaiggádin lea FeFo:s guovddáš rolla olbmuide geat ásset Finnmárkkus, ja mii oaivvildit ahte lea deaŧalaš ahte nuorat ožžot nu buori liibba go vejolaš dovddiidit midjiide nu árrat go vejolaš. Daiguin šiehtadusaiguin sáhttit mii deaivvadit ihttá beaivvi rávis olbmuiguin sin arenain, lohká Eirik Palm.
