Hammerfeastta buohcciviesu vuordinlanjat leat dávjá gurrosat. Skáiddi geaidnobargguid geažil maŋŋonit olbmot go leat jođus buohccivissui.
Hammerfeastta buohcciviesu vuordinlanjat leat dávjá gurrosat. Skáiddi geaidnobargguid geažil maŋŋonit olbmot go leat jođus buohccivissui.
– Gos leat pasieanttat, imaštallá Anette Mortensen røntgenossodagas Hammerfeastta buohcciviesus.
Vuordinlatnja lea guorus bearjadatiđit.
Šaddet Skáiddis vuordit
– Olusat šaddet bisánit ja vuordit Skáiddis, gos leat geainnu divodeamen, muitala ovttadatjođiheaddji Anette Mortensen Hammerfeastta buohcciviesus.
– Dávjá šaddet diibmobeali vuordit ja vel guhkit. De maŋŋonit olbmot diimmuide ja de dat mášiinnat maiguin leimmet galgat sin iskat leat geavahusas, mis šaddet de váttisvuođat čađahit prográmmamet ja eat soaitte geargat buot pasieanttaid iskat mat leat biddjon prográmmii, čilge son.
Ávžžuha buori áiggis vuolgit
Danne lea ge Mortensenas čuovvovaš ávžžuhus buohkaide geat galget buohccivissui Hammerfestii.
– Muitet geaidnobargguid jus šattat Skáiddi meaddel vuodjit go deike leat jođus. Rehkenastte ahte ádjánat guhkit go dábálaččat, vai joavddat rivttes áigái buohccivissui, ávžžuha son.
