Statistihkalaš guovddášdoaimmahaga (SSB) logut čájehit ahte biebmo- ja jugushattit badjánedje 3,3 proseanttain geassemánus suoidnemánnui. Dan vihtta maŋemus jagis leat biebmohattit badjánan 3,1 proseanttain juohke geasi.
Ingvill Størksen lea Virke Dagligvaree direktevra, ja son muitala ahte biebmohattiid badjaneapmi lea nu movt sii ledje vuordán.
– Gálvolágideddjiid hattit rivdet dábálaččat juohke jagi suoidnemánus, dasto lea suoidnemánnu dakkár mánnu go biebmohattit badjánit, muitala Størksen.
Biebmoháttit rievddadit bisteváš mšlle mielde. Hattit nidjet áigodagain, nu go juovllaid, beassážiid ja go lea skuvlaálgin. Eará áigodagain jagis fas badjánit hattit.
SSB logut čájehit ahte biebmo- ja jugushattit leat badjánan 2,2 proseanttain maŋemus 12 mánus.
(@NTB)
