Romssa suohkan dieđiha ovcci ođđa njoammuma, muhto ii ovttasge leat čanastupmi mannan vahkku njoammumiidda.
Vuossárgga dieđiha Romssa suohkan ahte leat registreren ovcci ođđa njoammuma mannan jándora.
Gávcci koronabuohccis lea gullevašvuohta fatnasii mii lea boahtán Romssa gáddái. Dán fatnasis leat oktiibuot 15 bargi.
Ovccát koronabuohccái navdet koronavirusa njommon olgoriikkamátkkis.
Ođđa njoammumiin ii leat čanastupmi mannan vahkku njoammumiidda. Dalle njoamui koronavirus guđa olbmui.
Badjel 60 erremis
Romssas leat oktiibuot 15 olbmo isolašuvnnas ja 63 olbmo erremis.
Sotnabeaivvi čađahedje 221 koronaiskosa. 45 olbmo válddihedje iskosa Romssa koronaguovddážis ja gávpotguovddáža iskanbáikkis ges čađahedje 99 koronaiskosa. 58 dáin ledje jođánisiskosat. Suohkana johttijoavku ges válddii golbma koronaiskosa ikte.
Davvi-Norgga universitehtabuohcceviesus Romssas dikšot ovtta koronabuohcci.
