Sámi álbmotbeaivvi oktavuođas lágiduvvojit máŋga konseartta Oslos.
Arvvás
Hausmania kulturviesus lágiduvvo Arvvás konsearta guovvamánu 5.beaivve. Arvvás lea beaggán sihke Sámi ja máilmmi musihkkamáilmmis. Sara Marielle Gaup ja Steinar Raknes boahtiba Osloi guoimmuhit sudno musihkain beaivvi ovdal dan stuorra beaivvi. Uvssat rahpasit dii.20:00.
Deatnogátte nuorat
Dán jagi leat Deatnogátte nuorat geat galget guoimmuhit Sámi viesus Sámi álbmotbeaivvi oktavuođas. Leat Tore Aslaksen, Leif Jakobsen ja Anne-Lise Varsi Deatnogátte nuorain geat leat Oslos Sámi álbmotbeaivvi. Dát konsearta lea nuvttá. Konsearta álgá dii.20:00.
Mari Boine
Dán jagi, nu go maiddái diibmá ge, de lea Mari Boines konsearta Oslos Rockefelleris. Diibmá lei spagga dievva ja lágideaddjit doivot dan seamma dáhpáhuvvat dán jagi go Mari Boine lávke lávdái Sámi álbmotbeaivve Rockefelleris. Uvssat rahpasit dii.19:00.
Biru Baby
Sámi elektronpunk joavku Biru Baby čuojaha BLÅ nammasaš báikkis Oslos Sámi álbmotbeaivvi. Seamma sajis gulat maid joavkkuid Doglover95 ja Trist Pike. Uvssat rahpasit dii.20.00.
Sámi maŋŋitfeasta DJ ISÁK (Ella ja Daniel)
Guokte bándamiellahtuin ISÁK joavkkus bovdejit festii John Dee:ai Sámi álbmotbeaivvi oktavuođas. Daniel Eriksen lea guhkit áigge bargan DJ:an ja vokalista Ella Marie lea dovddus vokalista ja dánsu. Soai bovdedeaba boahtit loahpahit ávvubeaivvi sudnuin. Nuvttá sisabeassan ja uvssat rahpasit dii.22.00.
SlinCraze
Beakkán sámi rappár SlinCraze boahtá Osloi rappet Melahuset nammasaš báikkis bearjadaga guovvamánu 7.beaivve. Uvssat rahpasit dii.20:30.
Intrigue
Sámi rockárat Intrigue bohtet Osloi čuojahit John Dee nammasaš báikkis lávvardaga guovvamánu 8.beaivve. Uvssat rahpasit dii.20:00.
