Lillebjørn, Bjørn Falk Nilsenis (1950-2024) lei litna jietna, veaháš morašlaš geahčestat ja buohkat dovdet su albma Oslo-bárdnin. Muhto, son namuhii Finnmárkku su dovdoseamos lávlagiin ja lei maid mielde Deatnogátte Nuoraid debutas mii beasai Norsktoppenii.
Jeg har reist gjennom hele Finnmark
og sett høsten tenne sin ild.
Jeg pløyer greske øyer
for å kjenne at jeg fins til.
Men en trekkfugl vender tilbake!
Om ikke annet så på trass …
(Sánit ja šuokŋa: Lillebjørn Nilsen)
Skearru man Deatnogátte Nuorat almmuhedje 1974:s šattai nu bivnnuhin ahte sii 2001:s háliidedje ođđasit čuojahit ja almmuhit skearru bivnnuheamos lávlagiid. Lillebjørn Nilsen ja Steinar Ofsdal, geat leigga mielde dan vuosttaš skearru almmuheamis, veahkeheigga fas iežaska ustibiid Sámis ja leigga mielde Deatnogátte Nuoraid skearrus «The best of Tanabreddens ungdom: «Buoremusat».
Lillebjørn Nilsen ja su ustibat Øystein Sunde, Jan Eggum, Halvdan Sivertsen ledje mielde joavkkus Gitarkameratene. Juo 1972:s ledje sii mánu guhkes čuojahanmátkkis Finnmárkkus; čakčamánu 11. beaivvi čuojahedje Álttás ja dasto manai mátki viidáseappot Girkonjárgii, Čáhcesullui, Várggáide, Levdnjii, Honnesváhkái, Hámmerfestii – ovdal go čuojahanmátki loahpahuvvui Romssa guovllus.
Eatnasat geat čuojahit gitárra dáidet dovdat «Lillebjørns Gitarbok», mas leat vuvdon 200 000 gahpalaga. Girjjis leat tevdnegat mat čájehit gitáračuojahanteknihkaid. Lillebjørn lea maid illustreren njuohtamiiguin ja illustrašuvnnaiguin earret eará Rudolf Nilsena teavsttaid girjjis «På stengrunn – Femti sanger gjennom femti år». Su áhčči álggahii ovtta Norgga vuosttaš gráfalaš silkeprentehusain. Loahpas 1990-logu studerii Lillebjørn Art Institutes Chicagos. Doppe beasai vásihit Bob Dylana ja dan birra lea ge čállán iežas bloggas.
Lillebjørn almmuhii skearruid áigodagas 1971-2021 ja čálii maid logenáre gitáračuojahangirjji.
Son jorgalii maid dovddus «Hey Jude» lávlaga dárogillii ja gohčodii dan «Hei Knut» ja lávllui dan dárogillii vaikko gos leaččai máilmmis.
«Lávlun du eatnigillii hukse du deháleamos instrumeantta: giella mii eallá du siste. Dat mat galget šaddat du iežat reflekšuvnnat ja intelligeansa (Lillebjørn Nilsen, jorgaluvvon).
Lillebjørn čálii ovttas eará čálliiguin divttaid mánáide girjjis «Jeg fant, jeg fant!».
Nilsen lei maid mielde álggaheame Djangofestivála 1980:s. Lei Hot Club de Norvége njunuš Jan Larsen gii álggahii dan festivála man gohčodedje «Sigøynerfestiválan», muhto lei Lillebjørn Nilsen gii bovdii joavkku Bel Studioi, gos «Tanta til Beate» šattai swing-stringan – ja nu oaččui lávlla ja Hot Club de Norvége Spellemann-bálkkašumi 1982:s. Juste 40 jagi maŋŋel oaččui son Spellemann-bálkkašumi gudnebálkkašumi.
Lei lávlla «Barn av Regnbuen» mii čohkkii našuvnna. Lillebjørn Nilsen eahpidii álggos, ja lei riŋgen «My Rainbow Race» vuoigŋadahkkái, Pete Seegerii, jearrat sus ráđi. Galgá go son lávlut iežas veršuvnna, «Barn av regnbuen»? Seeger oaivvildii ahte dat han lea su geatnegasvuohta.
Go buollá digaštallan Finnmárkku mánáid arvedávgelávkkaid geažil, de sorro Lillebjørn Nilsena «Barn av regnbuen» iFinnmarkdigaštallamii.
Sammen skal vi leve hver søster og hver bror. Små barn av regnbuen og en frodig jord. Men si det til alle barna! Og si det til hver far og mor: Dette er vår siste sjanse til å dele et håp på jord.
Lillebjørn Nilsen, ridder av 1. klasse av St. Olavs Orden, ble den 27. januar 2024 «den stilleste gutt på sovesal 1», uten at låtene hans noensinne vil stilne.
Lillebjørn Nilsen, Bassi Olava ortnega 1. klássa riddár, šattai ođđajagemánu 27. beaivvi 2024 «jaskadeamos bártnáš oađđenlanja 1:s», muhto su lávlaga gal eai goassege dáidde jaskkodit.
