Kárášjoga ja Guovdageainnu Nav-kantuvrrat vásihit ahte vealgeáššit lassánit.
86 proseantta Romssa ja Finnmárkku Nav-kantuvrrain vásihit ahte ekonomalaš sosiálaveahkkeohcamušat lassánit. Váldosivat leat vuosttažettiin báhtareddjiid ásaiduhttin, vuollegis stáhtadoarjagat ja divrras áigi. Badjel bealli Nav-kantuvrrain vásihit eambbosat váldet oktavuođa bivdin dihte ekonomalaš rávvagiid ja bagadallama, čájeha iskkus maid Romssa ja Finnmárkku stáhtahálddašeaddji lea čađahan.
Vealgeáššit badjin
Kárášjoga ja Guovdageainnu Nav-kantuvrrat leat cealkán ovdalaččas ahte sii vásihit ahte gáibidahtti vealgeáššit lassánit.
– Lohku bissu ain badjin ja čadno guohtonrossui mii lea šaddan servodatroassun, erenomážit dán guovtti gielddas, čállá stáhtahalddašeaddji iežas neahttasiiddus.