Guovddášbellodaga jođiheaddji lea okta dain geaiguin sámedikkeáirasat lobbyerejit dán vahkku.
Guovddášbellodaga jođiheaddji lea okta dain geaiguin sámedikkeáirasat lobbyerejit dán vahkku.
– Leat olu lobbyistat. Sii geat odne leat váldán oktavuođa muinna, leat háliidan hállat skohtervuodjima, boraspiriid, gielddareforpma ja lagas bálvalusaid birra. Dasa lassin lea muhtin buvttestan báhpira stádabušeahta birra, čilge Guovddášbellodaga jođiheaddji ja stuorradiggeáirras Trygve Slagsvold Vedum.
Son čuččoda Stuorradikki váccašanfeaskáris gosa Sámediggeáirasat leat čoahkkanan boradit ja háleštit.
– Maŋimuš diibmobeali leat olusat boahtán háleštit muinna. Dás lea stuorra symbolaárvu maid, go diehtit man váttis oktavuohta Norgga stáhtas lea leamaš sápmelaččain. Go de lea Sámedikkis dáppe dievasčoahkkin de das lea symbolaárvu ja čájeha juoga min searvevuođa birra, dadjá Guovddášbellodaga jođiheaddji ja stuorradiggeáirras Trygve Slagsvold Vedum.
Loga maid: – Dát čalmmustahttá ovdáneami
Govven: Berit Marie Lise Eira
– Muittát go daid maid leat gullan odne?
– Naaaa. Muittán ainjuo veahá, nu dat dávjá šaddá, reaškkiha son.
– Muhto dávjá lea nu ahte go vuos deaivvada eará olbmuiguin de sáhttet ideat ilbmat ja lea maid álkit maŋŋil fas váldit oktavuođa.
