Sotnabeaivvi ledje máŋga meahccebuollima davimus Ruoŧas.
Sihke Girona, Jiellevári ja Johkamohki guovllus bulle meahcit sotnabeaivvi. Gádjunveahka šattai vuolgit jáddadit meahccebuollimiid. Oktiibuot ledje 17 buollinčáskadanbiilla iešguđet báikkiin davimus Ruoŧas.
Badje-Sohpparis, Girona gielddas buollái meahcci sotnabeaivvi, buollinčáskadeaddjit ja guokte helikoptera jáddadedje dola. Eahkedis 19 áiggi ledje jáddadan dola, dieđihit SVT Norrbotten.