Olu mánát ja nuorat vásihit rasismma, čájeha Bufdira ođđa dutkanraporta.
Lea Proba servodatanalysa, mii Bufdir (Mánáid- nuoraid- ja bearašdirektoráhta) ovddas lea bargan raporttain mii čájeha ahte 45 % dain geat leat jearahallon oaivvildit ahte leat vásihan rasismma maŋemus jagi.
Oassálastit leat mánát ja nuorat gaskal 13 ja 24 jagi.
Čiežas lohkásis geain lea Afrihká duogáš vásihit rasismma, boahtá maid ovdán.
– Dá lea dehálaš raporta mii addá midjiide guovddáš dieđuid dan barggus ahte eastadit rasismma. Mii diehtit ahte rasisma lea hui vahátlaš fysalaš ja psyhkalaš dearvvašvuhtii, ja dát raporta muitala midjiide veahá mo dilli lea, dadjá Bufdira ossodatdirektevra, Anna Bjørshol preassadieđáhusas.
Ledje maid alla logut sin gaskkas geain lea duogáš Gaska-Nuorttis ja Asias, 64 % ja 63 %.
©NTB
