Oljo- ja energiijadepartemeanta oažžu ođđa nama. Ođđajagemánu 1. beaivvi 2024 rájes galgá dat gohčoduvvot Energiijadepartemeantan.
Dat mearriduvvoi stáhtaráđis vuossárgga. Departemeanttas galget seamma ovddasvástádussuorggit go dál, deattuha stáhtaministtar Jonas Gahr Støre (Bb).
– Dađistaga eanet oassi min energiijas boahtá dakkár ođđa energiijagálduin go biegga, beaivváš, čáhci ja eará energiijahámit. Mii leat ruoná nuppástuhttima guovddážis, ja eanet ođasmuvvi energiija ovdáneapmi jotkojuvvo boahtteáiggis. Dat mearkkaša ahte dan departemeantta namma, mas lea energiijapolitihkka, ii berre deattuhit makkárge energiijagálduid, cealká Støre preassadieđáhusas.
Seamma beaivvi rájes molsu Terje Aasland (Bb) nama oljo- ja energiijaministaris energiijaministtarin.
