VG nubbi bellodatbaromehter čakčamánus čájeha ahte Olgeš gahččá dušše 1,8 proseantačuoggá maŋŋel Olgeža jođiheaddji Erna Solberg isida oasusgávppašanášši.
– Lea somás ja buorre mihtideapmi midjiide. Lea buorre, dadjá Solberg VG:i.
Maŋimuš vahkkus lea Olgeš-jođiheaddji birra leamaš olu sáhka. Sivvan dasa lea go isit Sindre Finnes doaimmahii viiddis oasusgávppi gaskal 2013 ja 2021, go Solberg lei stáhtaministtar. Finnes dagai dan vaikko son váruhuvvui dan vuostá – ja Solberg lea sáhttá danin leamaš bealálaš ollu áššiin stáhtaministtarin.
Dakka vahku maŋŋel oaivvilda Solberg ahte 27,2 proseantta doarjja lea «hirbmat buorre boađus» sutnje ja Olgežii. Son liikká ii áiggo diktit mihtidemiid mearridit lea go sus luohttámuš maid dárbbaša šaddat stáhtaministtarin fas:
– Dat han lea luohttámuš bellodagas mii boahtá ovddemužžii, ja de jienasteddjiid luohttámuš. Fertet oaidnit mo dat ovdána, dadjá son.
Olles stuorradiggemihtádus (rievdadus mannan čakčamánu mihtádusas VG:s ruođuid siste):
Ruoksat 5,6 (+1), SV 8,7 (+1,3), BB 20,8 (+0,5), GB 7,7 (+0,6), MDG 4,3 (-0,6, Gurut 7,2 (+2,4), Risttalaš álbmotbellodat 2,9 (-1,2), Olgeš 27,2 (-1,8), Ovddádusbellodat 11,2 (-1,2) ja INP 2,6 (-).
Mihtideami lea Respons Analyse čađahan čakčamánu 20.–22. beaivvi ja vuođđun dasa leat 1000 jearahallama. Meattáhusrádjá lea gaskal 2 ja 3 proseantačuoggá. (©NTB)
