Mearrasámi boanda ja politihkkár Olaf Eliassen, Goarahagas eret, eretvádjolii mannan sotnabeaivvi.
Ovddeš sámediggepolitihkkár Olaf Eliassen jámii skábmamánu viđát beaivvi 2023:s, 74-jahkásažžan. Olaf Eliassen riegádii čakčamánu goalmmát beaivvi 1949:s Goarahagas Porsáŋggu gielddas. Son válljejuvvui Sámediggái áigodagaide 2001–2005 ja 2005–2009 ja ovddastii Guovddášbellodaga. Goalmmát válgaáigodagas ovddastii Árjja bellodaga. Politihkkárin álggii Olaf Eliassen go válljejuvvui Porsáŋggu gielddastivrii 1995–2007 ja son ovddastii dalle Guovddášbellodaga ja lei maid Finnmárkku fylkkadiggeáirras áigodagas 1997–1999.
Son válddii badjelasas áhčis mearrisámi smávvadálu lotnolasealáhusa, eanadoalu ja guolástusa, ja lei mielde ásaheamen báikkálaš boanddaidsearvvi Porsáŋggus ja lei Finnmark bondelaga miellahtu ja nubbijođiheaddji 1993–1995, čállá Ságat muitosánis Eliassena birra.
