Vuosttaš geardde vahkkui ahte koronapasieanta dárbbaša vuoigŋanveahki Norggas.
Helse Sør-Øst dieđiha ahte sis lea okta koronapasieanta vuoigŋanmašiinnas dál. Helse Sør-Øst buohcceviesuin ledje mánnodaga iđđedis gávcci pasieantta geain lea duođaštuvvon korona. Okta dáin lei intensiivaossodagas, ja okta vuoigŋanmašiinnas, dieđihit sii Twitteris.
Álbmotdearvvašvuođa instituhta neahttasiidduin čájehit otná logut ahte 9028 olbmos lea duođaštuvvon koronavirus dássážii Norggas, ja 255 olbmo leat jápmán koronavirusii. Dál leat oktiibuot 10 koronapasieantta buohcceviesuin.
