Nordlándda kultuvrralaš skuvlalávka áigu háhkat ođđa sámi musihkkabuvttademiid mánáide ja nuoraide.
Buvttadeami ulbmiljoavku galgá guoskat juogo vuođđoskuvllahasaide dahje joatkkaskuvllahasaide ja Nordlándda kultuvrralaš skuvlalávka gáibida ahte musihkkabuvttadanjurdda fátmmasta sámi fáttáid dahje gielaid.
– Nordlándda kultuvrralaš skuvlalávkkas lea erenoamáš ovddasvástádus eanet sámegielaide. Dan olis hásttuhit julevsámegielagiid ja lullisámegielagiid váldit oktavuođa. Nuorat olbmot ávžžuhuvvojit maiddái sáddet evttohusaid, čállá Nordlándda kultuvrralaš skuvlalávka iežaset neahttasiiddus.
Áigemearri sáddet evttohusaid dasa lea njukčamánu 15. beaivvi.
