Siida Sámemuseai Anárii ohcet dál museahoavdda.
Sámemusea ja Luondduguovddáš Siida lea Anára márkanis. Siida doaimmaha Sámemusea ja Badje-Sámi luondduguovddáža. Čájáhusat čájehit davviguovllu sihke dološ ja ealli sámekultuvrra ja árktalaš luonddu.
Dál ohcá Siida Sámemusea ođđa hoavdda.
Ođđa hoavda Sámemuseas galgá jođihit musea doaimma, ekonomiija, hálddahusa ja bargoveaga. Museahoavda maid vástida sámemusea jođiheamis, doaimma ovddideamis, ruhtadoalus ja musea servodatlaš oktavuođain.
Museahoavddas gáibidit earret eará bajit oahpu, sámegiela ja maiddái buori máhtu sámekultuvrras ja kulturárbbis. Maŋemus ohcanáigi lea miessemánu 3. beaivvi. Nu dieđiha Siida Sámemusea.
