Sámi vahkku ja sámi álbmotbeaivvi oktavuođas, bovdejit Sámi Ofelaččat nuoraid hávskes maŋŋelgaskabeaivái borrat tapasa ja humadit ofelaččaiguin Cafe Sånn:as Romssas.
Sámi vahkku ja sámi álbmotbeaivvi oktavuođas, bovdejit Sámi Ofelaččat nuoraid hávskes maŋŋelgaskabeaivái borrat tapasa ja humadit ofelaččaiguin Cafe Sånn:as Romssas.
Sámi álbmotbeaivvi lágidit ofelaččat kaféadeaivvadeami Cafe Sånn:as Romssas diibmu 15-17.
– Mii háliidit ahte nuorat bohtet min kaféadeaivvadeapmái minguin humadit ja maiddái deaivvadit eará sámi nuoraiguin. Mii háliidit muitalit movt lea leat sámi ofelaš, ja movt min jahki lea dássážii leamaš”, muitala Lisa Skoglund (19).
Dehálaš ahte nuorat dihtet doaimma birra
Ofelaččaid mielas lea dehálaš ahte nuorat dihtet ofelašdoaimma birra ja man bures dát doaibmá ovddidit ja čalmmustahttit sámi kultuvrra, giela ja movt lea leat nuorra sápmelažžan otná servodagas.
Ofelaččat sávvet ahte nuorat bohtet minguin deaivvadit ja biebmu lea nuvttá.
Ođđaáigásaš diehtojuohkkit
Ofelašdoaibma lea ovttasbargu Sámi allaskuvlla ja Gieldda- ja ođasmahttindepartemeantta gaskkas. Ulbmil lea diehtojuohkin sámi kultuvrra ja servodaga birra. Juohke jagi válljejuvvojit njeallje sámi nuora dán bargui. Guđa vahkkosaš intensiivakurssa maŋŋel Sámi allaskuvllas, mii loahpahuvvo eksámeniin mas ožžot 15 oahppočuoggá, álget sii johttit skuvllaid mielde olles Norggas.
