-Almmuhus-
-Almmuhus-
Fovsen-miellačájeheamitMuita­leaba Fovse-ášši birra skuvllain

Muita­leaba Fovse-ášši birra skuvllain

Journalista

-

-

Seamma vahku go álgá diggi Fovse-ákšunisttaid vuostá Oslos, de johtiba guokte sámi ofelačča Finnmárkku skuvllain gos háliideaba čuvget Fovse-ášši ohppiide. 

 – Dat ášši sáhttá lea váttis ipmirdit máŋgasiidda dan sivas go ii leat erenoamáš máhttu sámegielas, kultuvrras ja historjjás. Mii sávvat addit stuorát vuođu addejupmái das manne áššit nu go dát leat dehálaš gižžoáššit dál, deattuha Per-Henning Mathisen preassadieđu bokte. 

Sámi ofelaččat muitalit ahte Fovse-ášši lea dagahan olu digaštalamiid main sámit vealahuvvojit erenoamážit sosiála mediain. Dat lea maid sivva manne háliidit oassin iežaset logaldallamis vuoruhit áiggi Fovse-áššái. 

Leat oktiibuot njeallje sámi ofelačča geat johtet skuvllaid mielde miehtá Norgga. Dán háve leaba guovttis galledeaba Finnmárkku skuvllaid. Soai leaba  Jovnna Erke Varsi Solbakk (23) ja Per-Henning Mathisen (25). Soai galgaba njukčamánu 11.-15. beivviid galledit skuvllaid Girkonjárggas, Várggáin, Čáhcesullos, Deanus ja Hámmerfeastta joatkkaskuvlla. 

-Almmuhus-