Alaska Fairbanks universitehta professor John E. Walsh oažžu Mohn 2022 bálkkašumi.
Lea sámediggepresideanta Silje Karina Muotka gii geige sutnje bálkkašumi odne vuossárgga, go Arctic Frontiers konferánsa rahppo Romssas.
UiT- Norgga árktalaš universitehta rektor, Dag Rune Olsen, almmuhii Mohn 2022 bálkkašumi vuoiti skábmamánu 12. beaivvi 2021.
Lea Alaska Fairbanks universitehta professor John E. Walsh gii oažžu Mohn 2022 bálkkašumi iežas áŋgiruššama ovddas olahit oktasaš áddejumi mo áhpejieŋa lihkadeapmi čatnašuvvá rievdadusaide mat oppa áiggi dáhpáhuvvet, maiddái hirpmástahtti dáhpáhusat iešguđet guovlluin miehtá árktalaš vuogádagas.
Dearvvuođain maid Walsh sáddii UiT:i dalá maŋŋá, lohká ahte son dovdá vuollegašvuođa ja giitevašvuođa go sutnje addet Mohn bálkkašumi mas lea Árktisa stuorámus ánssášuvvon árvu, čálii UiT preassadieđáhusas.
