Dieđát go manne juste odne lea sámi leavgabeaivi?
Dat lea danne go sámiid 21. konferánsa Tråanttes 2017:s mearridii ahte Elsa Laula Renberga riegádanbeaivi, skábmamanu 29. beaivi, galgá almmolaš sámi levgenbeaivi.
Elsa Laula Renberg lei sámiid ovdavázzi, ja lei vuosttaš sápmelaš gii čohkkii sámiid politihkalaš bargui. Dat dáhpáhuvai Troanddimis guovvamánu 6.–9. beaivvi 1917:s.
Almmolaš sámi leavgabeaivvit
Almmolaš sámi leavgabeaivvit mearriduvvon sámekonferánssas Helssegis 1992, sámekonferánssas Murmánskkas 1996 ja sámekonferánssas Tråanttes 2017:
Guovvamánu 6. beaivi – Sámi álbmotbeaivi man ávvudit vuosttaš riikačoahkkima muitun Troanddimis 1917:s
Njukčamánu 2. beaivi – Suoma ođđa Sámedikki rahpan 1996
Njukčamánu 25. beaivi – Márjjábeaivi, árbevirolaš sámi bassebeaivi
Geassemánu 24. beaivi – Mihcamárbeaivi – almmolaš bassebeaivi
Borgemánu 9. beaivi – ON riikkaidgaskasaš álgoálbmotbeaivi
Borgemánu 15. beaivi – Sámi leavga dohkkehuvvui dán beaivvi 1986:s
Borgemánu 18. beaivi – Sámiráđđi vuođđuduvvui dán beaivvi 1956:s
Borgemánu 26. beaivi – Ruoŧa Sámediggi vuođđuduvvui dán beaivvi 1993:s
Golggotmánu 9. beaivi – Norgga Sámediggi vuođđuduvvui dán beaivvi 1989:s
Skábmamánu 9. beaivi – Sámi áššiid delegašuvdna Suomas vuođđuduvvui dán beaivvi 1973:s
Skábmamánu 15. beaivi – Isak Saba riegádii dán beaivvi 1875:s. Son čálii sániid sámi álbmotlávlagii.
Skábmamánu 29. beaivi – Elsa Laula Renberga riegádanbeaivi 1877:s
(Gáldu: www.samediggi.no)
