Norgga mearraborramuša eksportaárvu ii leat goassege leamaš stuorit go jagi 2023. Oktiibuot vuvde mariidna borramuša 172 miljárdda ruvnnu ovddas, mii lea 20,7 miljárdda eanet go ovddit jagi.
Dat lea 14 proseantta lassáneapmi 2022 rájes, mii lei mannan olahusjahki. Lea heajos ruvdnu ja gálvvuid divrudeapmi márkanis mii lea váldosivvan olahusdássái.
– 2023 lea buot buoremus jahki Norgga mearraborramuša olggosfievrrideamis. Mearraborramuš lea ain okta Norgga eanemus ohcaluvvon gávpegálvvuin máilmmis ja lea duođas sajáiduvvan riikka nubbin stuorámus eksportabuvttan, oljju ja gássa maŋŋel, dadjá Norgga Mearraborramušráđi hálddahusdirektevra Christian Chramer.
