Coop gohčču ruovttuluotta, Villfangede argentinske reahkáid, mas leat kajenne, 170 grámma vuššon, go várohit gálvvus sáhttá leat listeria.
Coop rutiidnadárkkisteami oktavuođas gávdne gálvvus listeriačuoggáid. Sii čállet preassadieđáhusas ahte sin geavaheaddjit/gávppašeaddjit galget dorvvolaččat sáhttit gávppašit borramuša sin gávppiin. Dan dihte sii gohččot reahkáid ruovttuluotta buot sin buvddain dassái go leat ožžon iskosiin eanet vástádusa.
Ávžžuhus lea buktit buvdii ruovttuluotta dán jus gálvvus lea mearka:
Buoremus ovdal čakčamanu 21. beaivvi, ja lea batch/lotnummir 17082020.
Juohkehaš oažžu ruđa ruovttuluotta. Dát gálvu lea vuvdon 49 buvddas Norggas. Dat eai leat gávdnamis šat hilduin.
