Norggas ellet birrasii 320 000 olbmo hárvenaš diagnosain. Dál gávdno portála mas leat eambbo dieđut dáid diagnosaid birra.
Máhttoportála Sjelden.no fállá dál ođđa ja ollu viidát oppalašgova hárvenaš diagnosaid birra go dat mat dássážii leat leamaš. Listu galgá veahkkeneavvun dearvvašvuođabargiide vai sii álkibut dovdet pasieanttaid geain leat hárvenaš dilit ja vai gávdnet dieđuid diagnosa birra.
Portálas gávdná diagnostalaš dieđuid, digitála kurssaid, oanehis videoid ja dieđuid dáhpáhusaid ja doaluid birra.
Nasjonal kompetansetjeneste for sjeldne diagnoser (NKSD), Hárvenaš diagnosaid našuvnnalaš gealboguovddáža jođiheaddji lohká áigumuš lea buoridit fágaolbmuid ja bálvalusfálliid máhtu ja gelbbolašvuođa hárvenaš diagnosaid birra, ja oažžut eanet dásseárvosaš fálaldagaid.
– Ođasmahttojuvvon máhttu lea eaktun jus galgá sáhttit addit buori, dásseárvosaš fálaldaga, sihke čielggadeapmái, diagnosabargui ja daid olbmuid dikšumii geain lea hárvenaš diagnosa ja daid čuovvoleapmái. Dađistaga go gelbbolašvuohta ja fálaldat buoriduvvo, de ferte maid fuolahit ahte dieđut leat olámuttos, ja dan mii dahkat Sjelden.no bokte, dadjá NKSD jođiheaddji Stein Are Aksnes.
