Ođđa loatnakundarat fertejit nagodit máksit 8 proseantta reanttu iežaset loanain vai ollašuhttet loatnaláhkaásahusa. Kundarat ožžot unnit loana go dušše moatti mánu áigi.
– Dál lea váddásat oažžut loana go reantu lea olu badjelis. Go mii áigut rehkenastit man olu mii sáhttit addit loatnan, de mii fertet geavahit eará meroštallanmodeallaid, dadjá DNB konseardnadirektevra Ingjerd Spiten NRK:i.
Loatnaláhkaásahus cealká ahte báŋkkut fertejit iskat girdet go kundarat 3 proseantačuoggá reantoloktema oktasaš vealggis. Dat mearkkaša badjel 8 proseantta ođđa loanaide.
– Loatnavejolašvuohta bearrašis mas lea oktasaš sisaboahttu 1 miljovnna ruvnnu lea njiedjan birrasii 300 000 ruvnnuin, ja dat lea oalle dramáhtalaš go guoská vejolašvuhtii gávdnat heivvolaš orrunsaji, dadjá BN Báŋkku direktevra Endre Jo Reite. (©NTB)
