Njukčamánu 1. b. rájes njiedjá oahppoloanaid fásta reantu, ja seammás šaddá dat vuollegat go rievddadeaddji reantu.
Veaháš unnit go 800 000 Loatnakássa kundara mákset oahppoloana odne. 774 100 kundaris lea rievddadeaddji reantu, ja 15 100 kundaris ges fástareantu.
– Lea unnán beroštupmi čatnat oahppoloanaid reanttu, ja maŋemus jagi lea beroštupmi leamaš unnit go goassege ovdal – uhcit go 1 000 kundara čatne reanttu 2023:s. Sin gaskkas geat mákset iežaset oahppoloanain dál, lea 98 proseanttas rievddadeaddji reantu, dadjá Loatnakássa gulahallandirektevra Anette Bjerke.
Fástareanttut njukčamánu 1. b. rájes leat:
3 jagi čatnanáigodat: 4,544 proseantta (vuoliduvvon 0,517 proseantačuoggá)
5 jagi čatnanáigodat: 4,343 proseantta (vuoliduvvon 0,527 proseantačuoggá)
10 jagi čatnanáigodat: 4,275 proseantta (vuoliduvvon 0,442 proseantačuoggá)
Rievddadeaddji reantu njukčamánu 1. b. rájes lea 5,032 proseantta.
