Runar Sjåstad šaddá Bargiidbellodaga stuoradiggejoavkku ođđa guolástuspolitihkalaš ovddasteaddji.
Finnmárkku stuoradiggeáirras Runar Sjåstad (55) šaddá Bargiidbellodaga stuoradiggejoavkku ođđa guolástuspolitihkalaš ovddasteaddjin. Son váldá badjelasas Karianne B. Bråthen maŋis, gii guđii Stuoradikki go Bjørnar Skjæran máhcai Stuoradiggái maŋŋá go heittii stáhtaráđđin.
Sjåstad lea iežas nuppi áigodagas Stuoradikkis. 2017-21 rájes lei son energiija- ja biraslávdegotti miellahttu. Son lea leamaš bargo- ja sosiálalávdegotti lahttun jagi 2021 rájes gitta dán rádjái, goas lea mannan ealáhuslávdegoddái.
Sjåstad lei Finnmárkku fylkkasátnejođiheaddji 2007 rájes 2017 rádjái. Son lea bargan Sydvaranger Gruve ovddas, ja leamaš LO organisašuvdnabargi ja Norgga Bargiidlihtu guovllučálli. Son orru Čáhcesullos.
