Ođđa brukkas lea sadji guđa guolástanfatnasii ja nu geahpeda dan boares govdobrukka noađi.
Unjárgga gieldda lea dál ožžon sadjái govdobrukka Gazzanjárgga hápmanii.
Ođđa brugga máksá birrasii 1 miljovnna ruvnnu, ja gielda lea ohcan doarjaga Sámedikkis. Dál lea 31 fatnasii sadji gielda govdobrukkain, golbma saji leat guoros. Fargga boahtá maiddái táŋkarusttet mas lea koartaautomáhta, mas vuvdet boaldámuša fatnasiidda.
– Jus dárbbašat saji, de váldde oktavuođa teknihkalaš ossodagain gielddas. Eai leat go golbma saji guorus, ja čájeha ahte lea leamašan stuorra dárbu viiddidit. Lean hui duđavaš, go dál lea gárvvis ođđa brugga, lohká Unjárgga sátnejođiheaddji Knut Store.
