Barentsčállingotti ođastuvvon fokusdoaimmat leat doaimmas ođđajagemánu rájes.
Norgga ráđđehus celkkii álgogeasi ahte Barentsčállingoddi galgá bisuhuvvot, muhto váldodoaimmat galget sirdašuvvat davviriikkaide.
Dál almmuha Barentsčállingoddi ahte praktihkalaš beali galget leat doaimmas ođđajagemánu 2024 rájes.
Boahtte jagi rájes lea davviriikkalaš ovttasbargu, Davvi-Norga servodaga ovdáneapmi, fokusdoaibman.
Ovdal gáibiduvvui ahte ferte leat Ruošša beale ovttasbargoguoibmi, muhto boahtte jagi rájes vurdo ahte váldoovttasbargu huksejuvvo Davvi-Norgga, Davvi-Ruoŧa ja Davvi-Suoma gaskka. Muhto maiddái šaddá vejolažžan čađahit ovttasbargoprošeavttaid eará davviriikkaiguin.
– Jus lea nohkka buorre prošeakta mii jurddašuvvo čađahuvvot ovttasbargoguimmiiguin eará davviriikkain, nu go Fearasulluiguin, Ruonáeatnamiin, Islánddain dahje árktalaš guovlluiguin Kanadas ja Davvi-Amerihkás, de mii sáhttit árvvoštallat diekkár prošeavttaid jus fal dat devdet min váldoulbmiliid, boahtá ovdan preassadieđáhusas.
Eamiálbmogiid ovttasbargu
Barentsčállingoddi deattuha ahte eamiálbmogiid gaskkas ovttasbargu lea maid okta dain guovddáš doaimmain boahttevuođas.
– Das lea seamma váldonjuolggadus ahte ohcci galgá leat Davvi-Norggas ja ovttasbargoguoibmi olgoriikkas. Dasa lassin šaddá vejolažžan ahte ovttasbargoguoibmi lea Lulli-Sámi guovllus Norggas.
Ii doaibma šat
Barentsčállingoddi lea gidden vejolašvuođa ohcat doarjagiid prošeavttaide skábmamánu 15. beaivvi dan sivas go háliidit nu jođánit go vejolaš ođasmahttit dieđuid mat leat gullevaččat ođđa fokusdoaimmaide ja doivot ahte nu árrat go vejolaš ođđajagemánus olbmuide rahpasa fas vejolašvuohta geavahit Barentsčállingotti resurssaid nannen dihtii Davvi-Norgga.
