-Almmuhus-
-Almmuhus-
-Almmuhus-
SMÁVVAOĐĐASATGiddejit Ruošša kantuvrraid

Giddejit Ruošša kantuvrraid

-

-

Barentsčállingoddi heaittiha báikkálaš kantuvrraid Ruoššas.

Iežaset neahttasiiddu bokte Barentsčállingoddi almmuhii ikte ahte leat gártan dan dillái ahte šaddet báikkálaš kantuvrraid Murmánskkas, Arkhangelskas ja Narjan-Maras giddet guovvamánu 1. beaivvi 2023 rájes. 

– Mis leat čeahpes bargit Ruošša kantuvrrain, ja danne lea ahkit go dan dillái gártan, lohká Barentsčállingotti beaivválaš jođiheaddji, Lars Georg Fordal. 

Váldosivva dakkár mearrádussii lea go Ruošša fallehii Ukraina guovvamánu 24. beaivvi 2022, mii váikkuhii sakka Barentsguovllu ovttasbargui. 

Jotket doarjagiiguin 

Barentsčállingoddi juolluda ain doarjagiid prošeavttaide. 

– Mii jáhkkit ahte dál lea deháleappot, go goassige ovdal, doalahit oktavuođaid sorjjasmeahttun siviila servodaga aktevrraiguin, ustibiiguin ja ovttasbargoguimmiiguin miehtá máilmmi. Dat oktavuođat leat dehálaččat sihke odne ja dan beaivvi go soahti nohká, ja boahteáiggis sávvamis oaidnit čuovgga, lohká Fordal. 

Barentsčállingoddi doarju ain prošeavttiad ja dan olis doaimmaid dahket Girkonjárgga kantuvrras. 

Čállingotti ruovttusiiddu dieđuid mielde dán jagi leat sii 31 prošeavtta dorjon ruđalaččat, mii lea sullii seamma ollu go diibmá. Ovdal pandemija, 2019:s, dorjo 140 prošeavtta.

-Almmuhus-